Ливерпул започна преговори за Ријад Марез

Раководството на Ливерпул започна преговори со Лестер за евентуален трансфер на крилниот напаѓач Ријад Марез, пренесуваат англиските медиуми.

Алжирецот е еден од кандидатите за наследник на Кутињо чии што трансфер во Барселона е само прашање на време. „Екип“ пренесува дека „црвените“ оствариле контакт со Лестер во петокот, па сега се чека одговор од „лисиците“.

Во текот на летото Марез поднесе молба за трансфер и беше на чекор од трансфер во Рома, но на крајот сепак остана во Лестер. Тоа не се одрази на неговата форма и оваа сезона повторно игра одлично.

Менаџерот на „црвените“ Јирген Клоп смета дека тој би бил идеална замена за Кутињо, бидејќи веќе ја познава Премиер лигата и нема да има потреба од период на адаптација.