Легендата на германскиот фудбал стравува: На Германија сериозно и се заканува елиминација!

Светското првенство за Германија започна изненадувачки во првото коло од групата Е „панцерите“ на полувремето водеа 1:0 и загубија од Јапонија со 2:1 и со тоа драстично ги намалија шансите за пласман во осминафиналето на шампионатот во Катар.

Посебно тешко за Германците е што во следниот натпревар ќе играат против Шпанија која покажа доминација против Костарика и постигна седум гола.

По разочарувачкиот пораз од Јапонија се огласија многу легенди на германскиот фудбал, а меѓу нив „најгласен“ беше поранешниот капитен на Германија и победник на Светското првенство во 1990 година, Лотар Матеус, кој стравува од најлошото сценарио за неговата националниот тим.

“Ако играме против Шпанија како што го одигравме второто полувреме против Јапонија, ќе бидеме елиминирани. Сега тимот е под повеќе од екстремен притисок. Тие мора да победат. Еден бод веројатно нема да биде доволен”, му рекол Матеус на Германецот. „Билд“.