Леао: Во Милан можам да ја освојам ЛШ и Златната топка

Португалската ѕвезда, Рафаел Леао пред неколку месеци реши да го продолжи договорот и да остане во Милан.

Интерес за Леао покажуваа многу европски гиганти, но тој верува дека Милан е клубот со кој може да ја освои Лигата на шампиони и Златната топка.

„Останав бидејќи Милан ми помогна да ги остварам моите цели, заедно го освоивме Скудетото и клубот ми овозможи да напредувам како играч. Се чувствувам зрело, се чувствувам како лидер на мој тим“, изјави Леао.

„Мислам дека ова е вистинскиот клуб за да ја продолжам мојата кариера и да ги остварам моите цели како што се освојување на Лигата на шампионите и Златната топка“, додаде Португалецот.