Лапорта ја нападна УЕФА и ПСЖ

Претседателот на Барселона, Жоан Лапорта истакна дека проектот за Суперлигата не е мртов и тоа натпреварување наскоро ќе биде најсилно во светот.

Лапорта истакна дека многу клубови излегле од натпреварување бидејќи биле под закана на УЕФА.

„Проектот веќе не постои во овој формат, ама проектот е жив и јас инсистирам, а бараме да влеземе во дијалог со УЕФА за да се решат сите проблеми. Но, ние немаме намера да ѝ се извиниме на УЕФА зашто сакаме да организираме едно натпреварување. Нема да ѝ кажеме ‘извини’ на УЕФА зашто сакаме сами да си ја кроиме судбината. Најмалку до тогаш додека сум јас претседател. УЕФА ни се закануваше со парични казни, со суспензии од ЛШ, а времето покажа дека сме во право“, истакна Лапорта, а потоа го нападна ПСЖ.

 Каква коинциденција е што одреден клуб во државна сопственост кој одби да влезе во Супер лигата, инвестира како никогаш досега. Каква коинциденција е што можат во овој период да понудат двојно поголеми плати на фудбалерите“, изјави Лапорта.