Квадрадо: Ова ќе биде најубавото Скудето!

Хуан Квадрадо е пред освојувањето на третото Скудето со дресот на Јувентус, но тврди дека ова ќе биде најубавото од сите претходни.

Квадрадо и оваа сезона даде голем придонес во својувањето на Скудетото, особено важен беше неговиот гол во победата над Интер на „Џузепе Меаца“ пред две недели.

„Среќни сме што Скудетото е на само еден чекор. Задоволни сме, но треба да бидеме смирени бидејќи потребен ни е само уште еден бод. Треба да дадеме се од себе до самиот крај и да победиме на следниот меч“, изјави Квадрдадо.

„Можеби ова е најубавото Скудето бидејќи најтешко стигнавме до него и беше најоспорувано. Но, победата на овој начин го прави успехот уште поголем. Сакаме да го освоиме Купот, но знаеме дека нема да биде лесно против Милан. Ќе дадеме се од себе да ја освоиме двојната круна“, заклучи Колумбиецот.