Капитенот ќе стисне заби: Македонија со Војдан оди по победа против Естонија!

Кошаркарската репрезентација на Македонија ќе биде комплетна за вечерашниот прв натпревар од квалификациите за Евробаскетот од 19:00 часот.

Постоеше можност натпреварот против Естонија да го пропушти Војдан Стојановски кој зарбаоти повреда во куп-финалето за МЗТ против Пелистер, сепак тој е во составот на нашата репрезентација.

Ветеранот не дозволи повредата да го спречи во можеби најважниот натпревар во групата, иако е прв. Стојановски одработи неколку тренинзи и веќе е на располагање на селекторот.

На вечерашниот натпревар се очекува и Стојановски да добие посебно признание за придонесот во репрезентацијата во изминатите години.