Капитенот на Барса ќе мора да оди на кратка пауза

Капитенот на Барселона, Андрес Иниеста, ќе мора да оди на кратка пауза.

Андрес Иниеста заработил полесна повреда и ќе мора да паузира десетина дена. Тој се повредил изминатиот викенд во натпреварот против Лас Палмас.

За среќа на Барселона и фановите на овој клуб не се работи за нешто сериозно, па Иниеста ќе ги прескокне само двата квалификациски натпревари на репрезентацијата на Шпанија, на која и е потребна само уште една победи за го обезбеди првото место во нашата група.

Иниеста ќе биде спремен за дербито во Примера во кое Барселона ќе игра против Атлетико Мадрид, веднаш по репрезентативната пауза.

Да потсетиме поради повреди, надвор од тимот на Барселона се Рафиња и Арда Туран, додека Пако Алкасер и Томас Вермален се во немилост на тренерот Валверде па натпреварите во главно ги следат само од трибините.