Иско во јануари го напушта Реал Мадрид

Шпанскиот плејмејкер, Иско најверојатно ќе го напушти Реал Мадрид во зимскиот преоден рок.

Иско не е во плановите на Карло Анчелоти и добива мала минутажа, па донесе конечна одлука да го напушти „кралскиот“ клуб.

Шпанските медиуми од извори блиски до фудбалерот пренесуваат дека Иско веќе се договорил со Милан, кој му ветува дека ќе има важна улога во тимот.

„Росонерите“ можат да го донесат следното лето како слободен агент, но сакаат да го реализираат трансферот уште во јануари за симболична сума.