Интер се засилува со ѕвездата на Монца

Интер е заинтересиран да го ангажира играчот за врска Андреа Колпани од Монца во јануарскиот преоден рок, пренесува „Тутоспорт“.

„Нероаѕурите“ го посакуваа и минатото лето откако не успеаја да ги осигураат услугите на Лазар Самарџиќ од Удинезе.

Интер веќе во неколку наврати оваа сезона испраќал скаути да го гледаат Колпани. Играчот од средниот ред го застапува истиот агент како и дефанзивецот на Интер, Алесандро Бастони, кој добро соработува со „нероаѕурите“.

Колпани игра одлично оваа сезона и веќе постигна четири гола на првите седум натпревари во Серија А.