Челси започна истрага поради инцидентот по натпреварот со Астон Вила

Фудбалскиот клуб Челси започна истрага поради инцидентот по завршувањето на натпреварот од 18-то коло на Премиер лигата против Астон Вила, јави денес Би-Би-Си (BBC).

Фудбалерите на Астон Вила во саботата го поразија Челси на Стамфорд Бриџ со резултат од 2:1.

Британските медиуми наведуваат дека отворено пластично шише било фрлено кон играчите и членовите на стручниот штаб на клупата на Астон Вила, кои се радувале на победата на својот тим по завршувањето на натпреварот.

Шишето било фрлено од секторот каде што биле сместени и навивачите на Челси и клупскиот персонал на лондонскиот клуб.

Би-Би-Си пренесува дека од Челси соопштиле дека не е познато кој е одговорен за инцидентот и дека истрагата е во тек.