Интер се договори со Пасторе, преговара со ПСЖ

Интер веќе донесе две засувања во зимскиот преоден рок, но „нероаѕурите“ не застануваат и сакаат да донесат уште еден играч за врска.

Со заминувањето на Жоа Марио се отвори место за нов фудбалер од средината на теренот, а главна мета е играчот на ПСЖ, Хавиер Пасторе.

Последните информации од Апенините говорат дека „нероаѕурите“ постигнале комплетен договор со играчот кој се согласил да потпише четиригодишен договор „тежок“ 5 милиони евра по сезона плус бонуси.

Пасторе сака преселба во Интер и ги одбил сите останати понуди, но сега „нероаѕурите“ ги чека потешкиот дел, да го убедат Пари Сент Жермен.

Со оглед на фактот што францускиот клуб не сака да го пушти играчот на позајмица, Интер е спремен да гарантира задолжителен откуп следното лето за 30 милиони евра.

Сега се чека одговор од ПСЖ, но италијанските медиуми се оптимисти и веруваат дека трансферот ќе се реализира до крајот на преодниот рок.