Интер Мајами ги собира другарите на Меси: Потврден трансферот на Алба, се чека и Суарез

Шпанскиот фудбалер, Жорди Алба и дефинитивно ќе се придружи на Лионел Меси и Серхио Бускетс во Интер Мајами.

Трансферот досега се најавуваше во медиумите, а сега го потврди и сопственикот на клубот, Хорхе Мас.

„Жорди Алба ќе потпише за нас“, изјави Мас по тренингот на тимот од Флорида.

34-годишниот шпански репрезентативец беше без клуб откако му истече договорот со Барселона на крајот на минатата сезона.

Алба играше за Барселона од 2012-та и со овој клуб освои 18 трофеи. Покрај Алба според најавите блиску до договор со Интер Мајами е Луис Суарез.