Интер и Фиорентина договорија размена

Интер и Фиорентина постигнаа договор според кој ќе ги разменат играчите.

Левиот бек на Интер Далберт се поврзуваше со Фенербахче, но сепак на крајот одлучи да остане во Серија А и ја прифати понудата од Фиорентина.

Интересна зделка направија Интер и Фиорентина, бидејќи Далберт оди на позајмица во Фиренца, а во спротивен правец ќе се упати Бираги.

Во договорите нема право за целосен откуп, па после оваа сеозна двајцата фудбалери ќе се вратат во своите клубови.

И Бираги како и Далберт игра на позицијата лев бек.