Изненадување: Ѕвездата на Манчестер Јунајтед се сели во Ница

Играчот на Манчестер Јунајтед, Џеси Лингард е многу блиску до трансфер во Ница, пренесуваат медиумите на Островот.

Агентите на Лингард се во напредни преговори со францускиот клуб и наводно треба да бидат договорени последните детали.

Лингард беше талент кој многу ветува, но оваа сезона не добива шанса во Манчестер Јунајтед и е спремен да ја промени средината.

Тој влезе во последната година од договорот, па Јунајтед му ја отвори вратата да си оди уште во овој преоден рок.

Според информациите Лингард ќе потпише договор со Ница до крајот на сезоната со можност за продолжување на соработката.