Изненадување за навивачите на Ливерпул: И Хендерсон кај Велковски!?

Капитенот на Ливерпул, Џордан Хендерсон би можел да го напушти Ливерпул во овој преоден рок.

Иако досега немаше такви најави, Ливерпул би можел да остане без својот капитен за наредната сезона. Според информациите на францускиот „Л’Eкип“ клубот на Дарко Велковски, Ал Итифак е заинтересиран да го доведе.

Оваа информација доаѓа откако пред неколку дена Стивен Џерард седна на клупата на овој клуб. Но, прашање е колку Клоп ќе има желба да се раздели со Хендерсон кој е важен дел од екипата. Посебно, по заминувањето на Џeјмс Милнер.

Но, од друга страна во средниот ред кај Ливерпул пристигнаа Мекалистер и Собослаи, а исто така во средниот ред помага и Трент Александер-Арнолд. Хендерсон низ годините беше важен играч во системот на Клоп и со овој клуб ги освои сите можни трофеи.

Et si Jordan Henderson rejoignait Steven Gerrard ? https://t.co/QAgTaUonaI #Mercato

— Loïc Tanzi (@Tanziloic) July 10, 2023