Изненадување: Баерн ја враќа легендата на клубот?

Баерн Минхен би можел да ја врати клупската легенда, Жером Боатенг (35) пишуваат германските медиуми.

Дефанзивецот кој одигра 363 натпревари освои 22 трофеи од кои два во Лигата на шампионите и девет во Бундеслигата би можел повторно да биде дел од овој клуб.

Според информациите на „Скај Спорт“, Баерн преговара со Боатенг кој би можел да се врати како слободен играч по раскинот на договорот со Лион. Причината поради која Баерн е заинтересиран се здравствените проблеми во германскиот гигант.

За репрезентацијата на Германија, Боатенг одигра 76 натпревари од 2009 до 2018 година и освои злато (2014) и бронза (2010) на светските првенства.