Наместо мирна прослава на победата од 1-0 над Фрозиноне, во Каљари следуваа загрижувачки моменти. Навивач паднал од трибините додека се обидувал да ги поздрави фудбалерите, по што бил пренесен во болница.
Според информациите на „Скај Спорт Италија“, кај него е утврдена скршеница на клучната коска, но не се пријавени посериозни компликации. Доколку закрепнувањето се одвива според очекувањата, би требало да биде пуштен дома во недела.
Инцидентот се случил неколку минути по завршувањето на натпреварот од Серија А. Играчите се движеле кон трибините за да им се заблагодарат на навивачите за поддршката, кога дошло до падот.
Капитенот Алесандро Деиола и голманот Елија Каприле меѓу првите забележале што се случува и веднаш притрчале. Потоа било повикано амбулантното возило што дежура покрај теренот, со кое повредениот бил однесен во локалната болница.
Каљари игра на „Унипол Домус“, привремен објект поставен додека се разработувале плановите за реконструкција на „Сант Елија“. Стариот стадион се наоѓа непосредно до сегашниот, но денес е запуштен и обраснат со вегетација.
Фото: Lungoleno / Wikimedia Commons, CC BY-SA 4.0
Учество во игри на среќа е дозволено за лица со 18+ години. Играј одговорно!