Иднината на Солскјер е во рацете на Мурињо: Ќе добијам отказ ако загубиме од Тотенхем

По нерешените исходи на последните две средби со Шефилд Јунајтед и со Астон Вила, Манчестер Јунајтед ќе го пречека Тотенхем предводен од Жозе Мурињо.

„Црвените ѓаволи“ се наоѓаат пред императив победа, а Солскјер е свесен дека со пораз на овој меч може да добие отказ.

После овој меч Јунајтед му гостува на Манчестер Сити, па Норвежанецот им ја предочил сериозноста на моментот на своите играчи во соблекувалната.

„Оле беше малку емоционален и им кажа на фудбалерите доколку не извадат резултати од наредните два меча би можел да добие отказ. Ова е најлошо време за да играте со Тотенхем кој ја врати формата со Мурињо“, открива извор од Манчестер Јунајтед.

„Црвените ѓаволи“ се наоѓаат на деветтата позиција со 18 освоени бодови и со четири победи во досегашниот дел од сезоната.