Играше финале на УС Опен, а во Токио доживеа елиминација во првото коло

Американецот Тејлор Фриц беше поразен во првото коло на АТП турнирот во Токи од Французинот Артур Филс со 2:1, по сетови 6:4, 3:6, 6:3.

Во второто коло Филс ќе игра против Италијанецот Матео Беретини.

Фриц беше прв носител на турнирот во Токио. Американскиот тенисер го освои турнирот во главниот град на Јапонија во 2022 година, а минатата година беше елиминиран во второто коло. Она што уште повеќе изненадува е што Фриц неодамна играше во финалето на УС Опен.

Холгер Руне во првото коло го совлада Чилеанецот Алехандро Табиљ со 2:1, по сетови 6:2, 5:7, 6:4. Во второто коло ќе игра против Јапонецот Јошихито Нишиока.

Во вториот круг се пласираа и Британецот Џек Дрејпер, Американците Томи Пол, Бен Шелтон, Алекс Микелсен и Брендон Накашима, Чехот Томаш Махач и Австралиецот Кристофер О’Конел.