Играч на Барса застана среде улица да се пресметува со фановите🎥

Фудбалерот на Барселона Иниго Мартинез ги загуби нервите откако слушна навреди од навивачите надвор од тренинг кампот на клубот.

Мартинез го напушташе тренингот со автомобил кога двајца млади навивачи му рекоа дека е глупав. Мартинез го запре автомобилот на среде пат, излезе и му се втурна во лицето на навивачот.

„Ова е последен пат кога ме нарекуваш глупав, разбираш? Последен пат. Не биди арогантен, ова е последен пат. За тебе и твојот пријател“, извика Мартинез, и едвај се воздржуваше физички да не го нападне навивачот.

Дефанзивецот на Барса во последно време го загуби местото од Пау Кубарси и не игра на очекуваното ниво.

⛔️✋🏼 Inigo Martinez said stop to some fans insulting him. pic.twitter.com/YZJcs8WFFe

— Fabrizio Romano (@FabrizioRomano) April 1, 2024