Играчите на Барса и Реал имаат астрономски клазули, но никој не може да се спореди со Бензема!

Многу клубови поставуваат откупни клазула со цел да спречат продажба на играчите.

Вообичаено клубовите поставуваат нереални цифри и така се обезбедуваат во случај некој друг клуб да сака да го купи нивниот играч.

Најголема откупна клазула со години наназад има Карим Бензема. Реал во последниот договор на францускиот напаѓач вгради клазула од дури милијарда евра.

Зад Бензема следуваат Лионел Меси, Иско и Марко Асенсио со 300 милиони евра помала откупна клазула, односно 700 милиони евра.

До крајот во топ 10 следуваат Модриќ, Бејл, Пике, Крос, Себаљос и Рафаел Варан со по 500 милиони евра.

Јасно е дека (не)возможно е навистина некој од овие играчи да биде продаден за оваа сума. Дури и за денешни услови кога трансфер пазарот е буквално полуден ова се преголеми суми.