Дома Македонски спорт Ивановски со пресврт елиминиран на челинџер турнирот во Франција

Ивановски со пресврт елиминиран на челинџер турнирот во Франција

Калин Ивановски го заврши настапот на челинџер 75 турнирот во францускиот град Каси. Тој во првото коло за ривал го имаше искусниот италијански тенисер Франциско Гаио (8.носител) и загуби со 2-1 во сетови, иако имаше водство по првиот сет (16 64 64).

Мечот траеше нешто помалку од два часа. Послабиот процент на првиот сервис 50 за Ивановски и 61 за Гаио и послабата реализација на брејк топките се причините за денешниот пораз (Ивановски 2/7; Гаио 3/4).


Шанса да станеш YouTuber! Приклучи се! ↓↓↓


Првиот сет го доби македонскиот тенисер и тоа на убедлив начин со 6:1 во гемови кога успеа да ги направи и двата брејка. По 2:1 во гемови, Ивановски напрви брејкови во четвртиот и во шестиот гем со што имаше убедливо водство. Во вториот сет Гаио направи брејк во шестиот гем и поведе со 4:2, а во следниот гем Ивановски испушти брејк топка. Сетот заврши со 6:4 за италијанскиот тенисер. Во решавачкиот сет Ивановски имаше предност и водство во сетот, но сепак по 4:4 брејк направи Гаио (Ивановски спаси една брејк топка) во деветиот гем и поведе со 5:4. Во следниот гем на сервис на противникот Ивановски не искористи две брејк топки, а Гаио потоа со два ас сервис го освои гемот, а со тоа и сетот и мечот.

Ивановски за следната недела е пријавен на фјучрс турнир во Португалија.

Коментари
Прочитајте поврзани статии
Load More In Македонски спорт

Проверете

Утре во Велес се решава куп шампионот во женска конкуренција

Женските фудбалски тимови на Каменица Саса и Љуботен ќе ги вкрстат копјата во финалната пр…