Зидан: Ќе видиме утре дали ќе настапи Роналдо

извор/фото: Спортмедиа

Предводникот на кралскиот состав, Зинедин Зидан ги истакна своите очекувања пред утрешната средба против Манчестер Јунајтед во рамки на Суперкупот кој ќе се одигра во Скопје на „Филип Втори“.

„Работевме многу и со нетпрение го очекуваме мечот против Манчестер Јунајтед. Клучни моменти има многу, но ние се фокусираме на она што за нас е важно“, истакна Зидан.

На новинарско прашање, дали утре ќе игра најголемата ѕвезда на тимот, Кристијано Роналдо, Зидан истакна:

„Тој е релаксиран и покрај тоа што за многу работи се крева врева. За мене е важно што тој се наоѓа во одлична форма. Тој дојде заедно со нас и е подготвен, а дали ќе игра утре, ќе видиме“, заклучи Французинот.