Зидан: Ако играчите ми го свртат грбот, ќе заминам веднаш!

Во последно време многу се шпекулира со заминувањето на Зидан од клупата на Реал Мадрид, бидејќи клубот е во криза во каква не бил долго време.

Сега на таа тема се огласи и Зидан кој истакна дека играчите се уште не му го свртеле грбот и верува во нив.

„Да, можеме да ја освоиме Лигата на шампиони, а овој тим не би го менувал дури и да можам. Исто така не би го сменил ни почетниот тим кој го изведов против Лиганес. Не жалам за ниту една одлука која сум ја донел“, изјави Зидан.

„Чувствувам полна поддршка од клубот и играчите. Штом ќе почувствувам дека моите зборови не допираат до играчите, само ќе си заминам“, заклучи Французинот.

Реал Мадрид оваа сезона игра под сите очекувања, заостанува 19 бода од лидерот во Примера, беше елиминиран од Купот, па му останува само уште Лигата на шампиони каде игра против ПСЖ.