За нив нема иднина во Ливерпул: Клоп „отпишал“ шестмина

Ливерпул би можел да се раздели со дури шестмина фудбалер од сегашниот состав во летото кое следи.

Англиски „Мирор“ објави шест имиња, четири не се изненадувања, но за две не се очекуваше, барем не се споменуваа до сега. Наби Кеита и Дивок Ориги се двајцата фудбалери.

Кеита беше доведен од Лајпциг за 52 милиони фунти и навивачите имаа големи очекувња од него во средината на теренот. Меѓутоа тој не ги оправда очекувањата и изгледа дека Клоп нема да му даде втора шанса.

Ориги потпиша договор со Ливерпул откако во минатата сезона од Лигата на шампионите постигна некои важни голови и тогаш изгледаше дека ќе добие поголема минутажа, меѓутоа сезонава не беше така.

Останатите играчи кои Клоп повеќе нема да им даде шанса за „поправен“ се: Кариус, Клајн, Ловрен и Џердан Шаќири.