Ждрепката од 13 часот: Лигата на Европа како Лигата на Шампионите – Против кого ќе играат Милан, Арсенал, Дортмунд и Атлетико?

Познати се сите учесници во осмина финалето во Лигата на Европа, а ждрепката ќе се одржи денеска во 13 часот во Нион.

Ждребот е отворен, што значи дека нема да има носители, а во оваа рунда од натпреварувањето можат да играат и клубови од иста земја. Единствено меѓусебно не може да играат клубови од Украина и Русија.

Првите натпревари од осмина финалето се на распоред на 8. март, а реваншите една недела подоцна. Финалето е на 16. мај во Лион.

Пласман во осмина финалето изборија европски гиганти како Атлетико Мадрид, Милан, Борусија Дортмунд, Лион, Арсенал и Марсеј. Следуваат Динамо Киев, Лацио, Лајпциг, Спортинг, Викторија Плзен, Атлетик Билбао, Салзбург, Локомотив Москва, ЦСКА Москва и Зенит.