Екс сопругата на Марез: Манчестер Сити ми го растури бракот

Популарната пејачка Рита Јохал го критикуваше својот поранешен сопруг Ријад Марез.

Рита тврди дека нејзиниот сопруг многу се променил после трансферот во Манчестер Сити и тоа го уништило нејзиниот брак.

„Не можам да коментирам туѓи животи, но преселбата во Манчестер го промени мојот поранешен сопруг. На Ријад му удри славата во глава. Се промени по преселбата во Сити. Требаше да остане смирен, но тој се промени“, вели таа.

„Го сакав и ја променив верата поради него, престанав да пијам алкохол. Сакав да имам семеен живот, да бидеме заедно, но тој престана да биде љубезен по потписот за Манчестер. Мислам дека му станав досадна, почна да го игнорира нашето семејство“, вели Рита и истакна дека сопругата на Хари Кејн треба да биде среќна што голгетерот не се преселил во Сити.