Еве зошто Модриќ се налути на прашањето на шпанскиот новинар и си замина

Лука Модриќ одигра брилијантно за Хрватска во вториот натпревар на ЕП, но одличната партија на капитенот не беше доволна за повеќе од 2:2 против Албанија, која израмни во петтата минута од судиското надополнување.

По дебаклот против Шпанија (0:3) и само бод со Албанија, Хрватска е во многу тешка ситуација пред последното коло. Тие треба да ја победат Италија во понеделник, но и да го направат тоа, не се сигурни дека ќе поминат во нокаут рундата.

По новиот неуспех, Модриќ одговараше на прашања на новинарите во микс зоната на стадионот во Хамбург. Модриќ им одговори на хрватските новинари, но по едно новинарско прашање на шпански се налути и демонстративно ја напушти зоната.

На прашање на шпански, тој на хрватски одговори „Ајде, одиме“ и им се заблагодари на новинарите за прашањата и си замина.

Madrid Xtra, навивачки профил на Реал на X кој има 1,4 милиони следбеници, ја открива причината за гневот и заминувањето на Модриќ (38): „Новинарот го праша Модриќ дали решавачкиот меч за Хрватска ќе го игра помлад или постар играч“.