Дувњак: Пред првенството го оперирав коленото за да стигнам, а сега…

Најдобриот ракометар на Хрватска, Домагој Дувњак се повреди на првиот меч на ЕП против Србија и сигурно ќе го пропушти остатокот од турнирот кој се игра токму во неговата земја.

Мали се шансите Дувњак да се врати до крајот на првенството бидејќи нему му настрада листот на десната нога, што предвидува мирување и секојдневна терапија.

„Терапиите за повредениот лист се одедени. Имаме врвни физиотерапевти и лекари, се што е потребно во првите денови по повредата. Морам да признаам дека тешко ми падна фактот што нема да можам да помогнам во овие важни натпревари, но нема да се предадам. Пред се поради овој тим, моите најголеми пријатели, но и целата јавност, за сите кои овие денови живеат за ракометот“, истакна Дувњак и додаде:

„Тешко ми е, го оперирав коленото само за да стигнам да играм на ЕП. Но, повторувам, не губам надеж и најголем навивач сум на Хрватска покрај ТВ екраните. Верувам во своите соиграчи и знам дека и без мене сложно ќе чекорат кон целта“.