До неодамна фудбалер, од вчера терорист: Младото осомничено момче од синоќешниот напад, бил член на фудбалски тим во Барселона

Муса Оукабир, еден од осомничените за терористичкиот напад во Барселона, до неодамна се занимавал со фудбал.

Имено, тој три години, во периодот од 2013. до 2016. година играл за младинската селекција на локалниот клуб од Барселона, екипата Рипол.

Оукабир играл и за кадетскиот состав, што го потврди и претседателот на клубот, Хуан Аливес за локалното радио.

„Муса дојде кај нас кога имаше 14 години, но повеќе од една година тој не е наш член“, истакна Авилес.

Оукабир очигледно тргнал кон погрешниот пат по напуштањето на тимот и на крајот предизвика голема трагедија која чинеше живот за десетмина луѓе.