Дојде во Тотенхем како голема ѕвезда, но Мурињо го „отпиша“

Жадсон Фернандеш веќе во јануари би можел да го напушти Тотенхем.

Фудбалерот кој има 21 година пристигна во Тотенхем од Бенфика. Кога дојде во јануари потпиша договор на година ипол. Минатата сезона настапи на 13 натпревари, а оваа Мурињо на својот сонародник сметаше само еднаш.

Фернандеш играше 63 минути во Лига купот против Челзи на 29 септември и тоа беше се до сега. Мурињо порача дека нема да го прислува да замине, но дека нема проблем да се случи такво нешто.

„Ситуацијата за мене не е проблем, туку решение. За мене е добро што е тука, иако не игра. Никогаш нема да го присилам да замине, но ќе ја разбирам ситуацијата. Ако неговиот клуб Бенфика сака порано да ја заврши позајмицата ќе соработуваме. Бенфика може да одлучи, па потоа ќе се договориме“, изјави Мурињо.

Пред да потпише договор со Тотенхем Фернандеш запиша 59 натпревари за Бенфика.