Дортмунд ја најде замената за Халанд

Борусија Дортмунд е во потрага по квалитетен напаѓач за следната сезона, кој може да биде долгорочна замена за Ерлинг Халанд.

Прва желба на „милионерите“ е голтерегот на Ајакс, Себастијан Халер и веќе стапиле во контакт со неговиот агент.

Халер одигра фантастична сезона во Ајакс каде на 40 меча постигна 34 гола, а во групната фаза од Лигата на шампиони постигна 10 гола.

Овој 27-годишен напаѓач претходно беше во Вест Хем, но не се прослави во Премиер лигата, а сега во Ајакс игра во животна форма.

Интересот за него е голем, но Дортмунд е во напредни преговори со Ајакс и спреми понуда од 35 милиони евра, која со бонуси може да достигне до 50 милиони евра.