Де Јонг е проблем за Барселона: Не сака трансфер, одбива да ја намали платата

Френки Де Јонг не сака да се пресели во Манчестер јунајтед и неговиот план е да остане во Барселона, но за тоа ќе мора да се согласи на помала плата.

Барселона се обидува да се ослободи од Де Јонг на секој можен начин, па наводно раководството на тимот побарало од Холанѓанецот да ја намали платата за 50%.

Барселона и Манчестер Јунајтед си подадоа рака за договор вреден 65 милиони евра плус уште 20 милиони евра бонуси. Сепак, овој трансфер не може да се реализира бидејќи Де Јонг не дава „зелено светло“.

Шпанските меидумии пренесоа дека од „Камп Ноу“ му поставиле ултиматум на Де Јонг – или да ја намали платата или да го прифати трансферот.

Но, Холанѓанецот очигледно не сака да се придржува до ваквите ултиматуми и преку своите претставници категорично изјави дека нема да си оди и нема намера ниту да води разговори за намалување на платата.