Де Брујне за Санчо: Тој дечко е луд!

Еден од најбараните играчи во следниот преоден рок со сигурност ќе биде играчот на Борусија Дортмунд, Џејдон Санчо.

За него дури и Лео Меси кажа дека е еден од 15-најдобри млади фудбалери на светот, а тоа со сигурност е голема чест.

Неговиот талент го пофали и моментално еден од најдобрите играчи на светот, Кевин Де Брујне.

„Тој дечко е луд. Имав прилика да тренирам со него. Тој е чудо. Тогаш замина од Сити, но тоа се случува. За него испадна добро, а ако сакаме да го вратиме ќе мора да платиме цена.“ – изјави Де Брујне.

Џејдон Санчо оваа сезона во Бундеслигата постигна 17 погодоци и запиша 19 асистенции, што е феноменален учинок.