Дерби на денот: Тежок испит за расположените „ѓаволи“

Манчестер Јунајтед е импресивен на последните четири натпревари и одигра над сите очекувања и во една одлична атмосфера го пречекува Арсенал. Тимот на Артета игра топло-ладно сезонава и тешко е да се предвидат нивните резултати и во еден незгоден момент за нив патуваат во Манчестер.

Солскер и Јунајтед се чини дека ја пронајдоа посакуваната форма

Додека многу фудбалски експерти и аналитичари очекуваа дека Јунајтед ќе потклекне пред ПСЖ, Челси и РБ Лајпциг, се покажа спротивнито, па оној домашен пораз од 1:6 против Тотенхем само делуваше како катализатор за непредвидена серија без пораз.

По победата над Њукасл со 1:4, Јунајтед собра максимални поени од двата натпревари во Лигата на шампионите, славејќи со 1:2 кај ПСЖ, па заработи дел од пленот на домашен терен против Челзи играјќи 0:0.

Иако Солсјер и неговиот тим ќе беа релативно задоволни со ремито без голови против „сините“, начинот на нивниот триумф од 5:0 над Лајпциг природно доведе до промена на очекувањата.

Јунајтед постигна 11 гола на последните четири меча и не постигна гол само на тој меч со Челзи. Но онаа победа над Лајпциг во текот на оваа недела, навистина беше импресивна.

Навидум потпомогнат од лидерските способности што ги покажуваше надвор од теренот, Маркус Рашфорд почнува да покажува неверојатни партии.

Пет гола и две асистенции има во неговите последни 297 минути игра, серија што придонесе засега Единсон Кавани да биде меѓу замените на Јунајтед.

Арсенал игра со тешки нозе

Шефот на Арсенал, Микел Артета, се надеваше дека Пјер-Емерик Аубамејанг ќе покаже ист вид на огнена моќ пред голот, особено со тоа што репрезентативецот на Габон беше награден за претходната форма со нов профитабилен договор.

За разлика од Рашфорд, Аубамејанг е во сенка на играчот кој минатата сезона ја заврши како еден од најдобрите напаѓачи во Европа.

Со единствениот погодок на неговите последни шест настапи и тоа против Рапид Виена во Лигата на Европа, Артета ќе се надева дека 31-годишниот играч може да има корист од тоа што одмараше против Дандалк во Лигата на Европа.

Но Арсенал и на тој навидум лесен меч покажа знаци на фрустрација од ирските противници пред да ги постигне своите три гола во еден тесен интервал во 42-та, 44-та и 46-та минута.

Единтвено добро е тоа што Артета на некој начин ја сочува свежината кај некои играчи пред овој меч со Јунајтед.

Повеќето навивачи би се чувствувале задоволни ако може да се обезбеди бод на Олд Трафорд и од таа гледна точка мислам дека Арсенал ќе игра претпазливо.

Сепак, запишувањето на максимални поени ќе го катапултира клубот повторно во мешавината за врвот кога многу од нивните ривали ќе мора да тргнат во посилна серија во текот на зимските месеци.

Можен почетен состав на Манчестер Јунајтед:

4-3-1-2 – Де Геа; Ван-Бисака, Линделоф, Мегваер, Шо; Фред, Мектоминај, Погба; Фернандес; Гринвуд, Рашфорд

Можен почетен состав на Арсенал:

4-3-2-1 – Лено; Белерин, Мустафи, Габриел, Тирни; Себалос, Томас, Џака; Вилијан, Аубамејанг, Сака