Дома Фудбал Англија Дерби на денот: Арсенал се подобар и подобар, Ливерпул во мала криза?

Дерби на денот: Арсенал се подобар и подобар, Ливерпул во мала криза?

Еден од најважните натпревари во сезоната во Премиер лигата ќе се одигра во сабота навечер кога Ливерпул ќе го пречека Арсенал на Енфилд во дербито на колото.

Само едно место и два бода ги делат двете екипи на табелата, при што Ливерпул е четврти, а Арсенал петти по 11 натпревари од сезоната.


Вака се слави гол во 120-та минута!!! ↓↓↓


На крајот на август, би биле дадени мали шанси за Арсенал да има шанса да го прескокне Ливерпул на табелата во оваа фаза од сезоната, но после неколку месеци нештата целосно се променија и за двете екипи.

Арсенал се подобар и подобар

Во таа фаза од сезоната, Август – Септемвр, Топџиите беа на дното, откако ги загубија првите три натпревари, примија девет гола без да постигнат гол и сите очекувања беа дека Арсенал го чека катастрофална сезона. Сепак, во моментов Арсенал е во серија од 10 меча без пораз.

Токму поразот на Ливерпул од Вест Хем минатото коло значи дека „топчиите“ сега може да се пофалат со најдолгата актуелна серија без пораз во Премиер лигата, земајќи 20 бода од 24-те што беа понудени по тие три порази на почетокот на сезоната. Серијата од осум натпревари ја прави најдолгата серија на Арсенал без пораз од декември 2018 година, додека во сите натпреварувања тој рекорд се подобрува на осум победи и две нерешени од последните 10.

Екипата на Микел Артета исто така за зачува својата мрежа на седум натпревари во тој период, вклучително и три меча по ред пред репрезентативната пауза, а во последните 10 натпревари заедно примија помалку голови отколку во поразот од Манчестер Сити од 5:0 пред оваа тековна серија да започне.

Сето тоа го катапултираше Арсенал во трката за топ-четири, а токму пласманот во Лигата на Шампиони ќе биде одличен резултат за Топџиите сезонава.

Ливерпул со знаци што асоцираат на криза

Поразот со 3:2 од Вест Хем Јунајтед на последниот натпревар ја прекина нивната серија од 20 натпревари без пораз во лигата и серијата од 25 натпревари без пораз во сите натпреварувања која се протегаше уште од април.

Ремито 2:2 со Брајтон, кое му претходеше на поразот од Вест Хем, исто така беше голем удар бидејќи тимот на Јирген Клоп ја пропушти предноста од два гола, при што тие два резултати ги оставија „црвените“ на четири бода помалку од лидерот Челзи.

Се уште нема паника за Клоп – тие сепак се уште се најефикасната екипа во лигата, додека само Челзи и Манчестер Сити можат да се пофалат со подобри одбранбени рекорди – но имаше еден или два загрижувачки знаци во последниве недели, што не беше случај во претходните фази на сезоната.

Итно враќање на победничките патеки е императив за Ливерпул, а фактот што тие веќе го обезбедија првото место во тешката група од Лигата на шампионите значи дека можат целосно да го свртат своето внимание на саботната пресметка, наместо да мислат на гостувањето кај Порто во среда.

Коментари
Прочитајте поврзани статии
Load More In Англија

Проверете

Проблем за Саутгејт: Англија остана без еден голман за Европското првенство

Голманот на Кристал Палас, Сем Џонстон нема да може да конкурира за репрезентацијата на Ан…