Дајте му 150 милиони евра и 10-годишен договор!

Хет-три против Саутемптон и соборување на рекордот на Алан Ширер повторно го лансираа Хари Кејн во орбитата на англискиот фудбал.

Арсен Венгер истакна дека е „апсолутно импресивен“ додека познатиот англиски фудбалер, Реј Вилкинс упати совет до претседателот на Спарси, Даниел Леви.

Тој смета дека Хари Кејн мора да остане во Тотенхем до крајот на кариерата.

„Мислам дека Даниел Леви треба да седне со него и да му каже „слушај еве ти 150 милиони, потпиши договор на 10 години“. Тоа се многу пари, но тоа е само 15 милиони по сезона. Најпрво, ако Тотенхем сака да го замени и доведе засилување тоа ќе ги чини значително повеќе. Второ, каде ќе пронајде квалитетен фудбалер како што е Кејн во овој момент? Исто така, со Кејн во шпицот ќе бидат конкурентни со останатите великани“, истакна Вилкинс.