Дарио Ивановски не ја заврши трката, Рингер е најдобриот маратонец во Европа

Германскиот атлетичар Ричард Рингер стана новиот европски шампион во маратон на шампионатот што денеска започна во Минхен.

На трката од 42 километри учествуваше и македонскиот атлетичар Дарио Ивановски, но тој не успеа да ја заврши трката и остана без пласман.

За 33-годишниот маратонец ова е најголемиот успех во кариерата откако претходно неколку пати завршуваше како трет на различни натпреварување. Делницата од 42 километри ја истрча за време од 2:10:21 што за него е личен рекорд.

Три секунди зад него остана Мару Тафери од Израел, а бронзата ја освои неговиот сонародник Гашау Ајале. Покрај Ивановски уште 16 други маратонци не успеаа да ја завршат трката.

Помеѓу дамите европска шампионка стана Александра Лисовска од Полска.