Дали ова е дефинитивно крај? Бејл одбил да биде повикан за денешниот натпревар

Шпанските медиуми пренесуваат дека авантурата на Герет Бејл во Реал Мадрид е при крај, откако Велшанецот одбил да биде повикан за мечот против Леганес.

Бејл воопшто не се радуваше на освоената титула пред неколку дена, а денес дополнително ги налути фановите на Реал Мадрид.

Во составот на Зинедин Зидан за мечот со Леганес нема да биде Герет Бејл и тоа на негово барање.

Велшанецот не доби минутажа на последните шест натпревари, а со последниот потег се засилија шпекулациите за негово заминување од „Сантиаго Бернабеу“.