Дали Зидан и Реал Мадрид ќе се разделат?

Иднината на Зинедин Зидан на кормилото на Реал Мадрид останува под знак прашалник, пренесува „АС“.

Порано оваа сезона се појавија шпекулации дека Французинот би можел да си замине од Реал на лето, а и самиот Зидан даде повод за шпекулации синоќа после елиминацијата од Челзи во ЛШ.

Зидан беше прашан дали и следната сезона „кралевите“ ќе се борат за трофејот во ЛШ со него на клупата.

„Сигурен сум дека овој тим повторно ќе се обиде да ја освои титулата во овој турнир. Но, сега не мислам за тоа“, одговори Зизу.

Според „АС“ со оваа изјава Зидан не е убеден дека и следната сезона ќе седи на кормилото на Реал Мадрид.