Го најави ли Конте доаѓањето во Наполи?!

Aнтонио Конте се поврзуваше со преземање на Милан, но сега изгледа е најголем фаворит за клупата на Наполи.

На Наполи воопшто не му оди со Валтер Мацари на клупата, па медиумите најавуваа дека Конте може да биде опција. Наполи вчера беше поразен од Торино со 3:0, а овој натпревар од трибините го следеше и Конте.

По натпреварот новинарите го пресретнаа Конте и го прашаа за можноста да седне на клупата на Наполи, а тој не демантираше.

„Би можел да дојдам, меѓутоа сакам работите да се случат како што треба“, одговори Конте за можноста да го наследи Мацари.

Во Италија Конте претходно ги водеше Јувентус, Интер, Бари Аталанта, Сиена како и репрезентацијата на „Аѕурите“.