Голем пропуст: Баерн и Барселона објавија различни соопштенија за Кутињо

Баерн Минхен и Барселона денес го потврдија трансферот на Филипе Кутињо на „Алијанц Арена“.

Кутињо денес и официјално беше претставен како нов фудбалер на Баерн Минхен, каде што ќе игра на едногодишна позајмица, а наредното лето Баварците ќе можат да го откупат за 120 милиони евра.

Двата клуба на официјалните страни потврдија дека Кутињо се сели во Баерн, но во соопштенијата се случи хаос.

Прво се огласи Баерн, кој порача дека во договор со Барселона нема да објавува финансиски детали, а само неколку минути подоцна Каталонците објавија дека едногодишната позајмица ќе чини 8,5 милиони евра, плус Баварците ќе ги превземат и трошоците за платата на Кутињо, околу 12 милиони евра.

Исто така, каталонскиот клуб потврди дека наредното лето Баерн ќе може да го откупи Кутињо за 120 милиони евра.

Bayern Munich's statement on the Coutinho deal: "The parties have agreed not to divulge the financial details of the agreement"

Barcelona's: "Bayern Munich will pay 8.5m euros and the player’s wages. The agreement also sees an option to buy for Bayern fixed at 120m euros"

?

— Melissa Reddy (@MelissaReddy_) August 19, 2019