Герет Бејл ја завршува фудбалската кариерата?

Велшкиот репрезентативец Герет Бејл е подготвен да ја заврши фудбалската кариера.

Бејл според договорот треба да се врати во Реал Мадрид, после позајмицата во Тотенхем, каде играше и се подготвуваше за ЕП. Бејл прилично се чуваше, не настапуваше на сите натпревари, имаше посебен режим на тренирање и играње, се држеше на специјална диета…

Тој сепак нема намера да остане во Тотенхем, па се враќа во Мадрид. Ако замине Зидан, а големи се шансите тоа да се случи, Бејл би можел да избори свое место во почетниот состав, но според пишувањата на АС, тој има еден неверојатен план.

Бејл би земал обештетување за последната година од Реал Мадрид и ќе го напушти фудбалот. Велшанецот одамна изгуби интерес за фудбал, сака да биде подолгво време со семејството, а најмногу ужива додека игра голф.

Бејл оваа сезона одигра вкупно 33 натпревари, постигна 14 погодоци и запиша три асистенции.