Гатузо: Еден ден ќе ми пукне крвен сад од такви натпревари

Синоќа екипата на Џенаро Гатузо успеа да слави со пресврт против Ријека во Лига Европа.

Тренерот на Наполи и покрај победа беше незадоволен од прикажаната игра на својот тим и призна дека вакви натпревари не се добри за неговото здравје.

„Точно знаев како ќе игра Риека, играчите добија прецизни инструкции, но и покрај тоа тие направија грешки. Ни беше потребна шлаканица за да се разбудиме. Ќе ми пукне крвен сад од нервоза еден ден, ова не е доволно добро, мора подобро да влегуваме во натпреварите.“ – изјави Гатузо после натпреварот.

Да потсетиме, во овој натпревар Елиф Елмас одигра еден час, а на спротивната страна Велковски го одигра целиот натпревар.