Вулверхемптон го сруши рекордот, а трансфер пазарот се уште не е отворен!

Напаѓачот Раул Хименес од денес и официјално е во сопственост на Вулверхемптон, соопшти англискиот клуб.

Мексиканскиот фудбалер денес потпиша договор до 2023 година со „волците“. Според англиските медиуми Вулверхемптон на Бенфика за неговиот потпис и платил 30 милиони фунти.

Тоа е рекордна трансферна сума во историјата на Вулверхемптон, а трансфер прозорецот се уште не е отворен.

Претходно, најскап играч во историјата на „волците“ беше Адама Траоре, за кого клубот му плати 18 милиони фунти на Мидлсборо.

Оваа сезона 27-годишниот Хименес запиша 37 настапи во сите натпреварувања, на кои постигна 15 гола и 8 асистенции.

RAUL IS STAYING! #RaúlSeQueda

??✍️ pic.twitter.com/7jPQwC8vnx

— Wolves (@Wolves) April 4, 2019