Две технички грешки и крај на натпреварот за Дрејмонд Грин. Кошаркарот на Голден Стејт беше исклучен против Финикс по инцидент во кој најпрвин го собори Каман Малуач, а потоа го фати Дилон Брукс за врат.
Тензијата се разгоре на стартот од третата четвртина. По контактот со младиот центар на Санс, Грин се најде на паркетот. Неговата следна реакција, меѓутоа, предизвика мешаница: со двете раце го запре Малуач и го собори на подот.
Брукс веднаш тргна да го заштити соиграчот и му се внесе в лице на кошаркарот на Вориорс. Наместо ситуацијата да се смири, следуваше нов спорен потег на Грин, кој го фати противникот за врат. Реагираа и играчите на Финикс, но инцидентот сепак не прерасна во поголема пресметка.
Судиската одлука значеше исклучување за Грин — му беа досудени две технички грешки, со што неговиот настап заврши уште во почетниот дел од третата четвртина. Без санкција не помина ниту Брукс, кој доби една техничка грешка.
Снимката од спорната ситуација ја објави и ЕСПН, со информацијата дека Грин е исклучен по двете технички грешки.
Draymond Green was assessed a double technical on this play and was ejected. https://t.co/uCmsTQxmcX— NBA on ESPN (@ESPNNBA) November 3, 2026
Фото: Telegraf
Учество во игри на среќа е дозволено за лица со 18+ години. Играј одговорно!