Враќањето на Мањан неизвесно, Милан носи голман од ПСЖ

Првиот голман на Милан, Мајк Мањан веќе три месеци е надвор од терените поради повреда и не се знае кога ќе се врати.

Прогнозите беа дека Французинот ќе се врати на почетокот на јануари, но рехабилитацијата може да продолжи уште најмалку еден месец.

Поради тоа Милан мора да реагира и италијанските медиуми пренесуваат дека сака да донесе голман на 6-месечна позајмица.

„Скај Италија“ пренесува дека Малдини стапил во контакт со ПСЖ и го сака на позајмица Серхио Рико.

Шпанскиот голман има статус на трет голман во Париз и не добива шанса, па е спремен да дојде на „Сан Сиро“ на позајмица со крајот на сезоната.