„Се уште не може да се изрази како што сака“, детали за состојбата на Серхио Рико

Пред неколку дена голманот на Пари Сен Жермен, Серхио Рико се разбуди од кома, а неговата сопруга откри во каква состојба е.

Голманот доживеа несреќа откако падна од коњ во Андалузија и зарбаоти тешки повреди на главата и кичмата. Неговата сопруга Вирџен сега откри дека опоравувањето на Рико оди добро, меѓутоа и понатаму постојат одредени проблеми.

„Серхио ги знае нашите имиња и не препознава. Има добро памтење, но на несреќата и тој ден не се сеќава. Ние го прашавме, а тој само бледо не гледаше. Се уште не е во можност да се изрази онака како што сака, ќе одиме чекор по чекор. Се чувствува добро и најважно е што преживеа. Во овој момент докторите не сакаат да брзаат“, изјави Вирџен.