Италијанските медиуми четврток го најавуваат како ден „Д“ за Дибала. Неговиот агент Хорхе Антун е во Торино и се чека да се види дали ќе постигне договор за продолжување на соработката.
Според последните информации Јувентус на Аргентинецот ќе му понуди околу седум милиони евра кои би стигнале до десет со одредени бонуси. Таквата понуда е помалку од она што го очекува Дибала. Во Јувентус се спремни парите да ги врзат со одиграните натпревари на Дибала. Причина за тоа се повредите кои ги има Аргентинецот.
Дерби на Манчестер: Да се види кој е полош!? ↓↓↓
Во овие моменти Дибала повторно се рехабилитира од повреда и нема да биде во составот против Сампдорија, Алегри сака да биде спремен за Виљареал. Меѓутоа во Италија пренесуваат и дека Интер го контактирал Дибала и понудата од Марота била 7.5 милиони евра за договор на четири години (Јувентус му нуди три).
Ањели и Недвед веќе размислуваат и на опција ако Дибала замине, главна мета за негова замена ако замине се очекува да биде репрезентативецот Распадори.
Учество во игри на среќа е дозволено за лица со 18+ години. Играј одговорно!