Во Арсенал не доби шанса, сега е на чекор од Баерн!

Германскиот весник „Кикер“ тврди дека Баерн Минхен договорил уште едно засилување за следната сезона, а станува збор за еден од најголемите гермнаски таленти Серж Гнабри.

Овој 21-годишен крилен напаѓач минатото лето се врати во Германија откако не доби вистинска шанса во Арсенал, а минатата година и во ВБА како позајмен фудбалер имаше мала минутажа.

Гнабри оваа сезона блеска во дресот на Вердер Бремен и во досегашниот тек од сезоната постигна 10 гола на 21 настап во Бундеслигата.

Тоа му беше и билет за најголемиот германски клуб. Челниците на Баерн Минхен сметаат дека има квалитет да го носи нивниот дрес, а со оглед на фактот што Рибери и Робен се на залез на кариерата, Гнабри би можел да биде нивна замена.

Гнабри неодамна и дебитираше за сениорската репрезентација на Германија и забележа хет-трик против Сан Марино во квалификациите за СП 2018.